Jo program elektoral. Një vijë e kuqe shqiptare.

Edi Rama duhet të largohet dhe vendi të shkojë drejt një mandati të ri shqiptar, pa kapje partie dhe pa pazar të vjetër.

Shqipëria nuk mund të dalë nga kriza me rregullat që Rama dhe Berisha ndërtuan për të mbajtur peng përfaqësimin. Duhet garë e barabartë, lista të hapura dhe hapësirë reale për alternativa të reja.

Çdo zyrtar, oligark apo bashkëpunëtor që ka abuzuar me pushtetin duhet të hetohet. Pasuritë e krijuara nga korrupsioni duhet të sekuestrohen sipas ligjit dhe t’u kthehen shqiptarëve.

Administrata, drejtësia, policia, mediat, prona publike dhe institucionet nuk janë pronë partie, oligarkësh apo patronazhistësh.

Vendimet që prekin Kushtetutën, sistemin zgjedhor, pronën publike dhe pasuritë strategjike nuk mund të mbyllen nga kryetarët e partive. Shqiptarët duhet të kenë të drejtë reale referendumi dhe kontrolli publik.